Logi Einarsson, menningar-, nýsköpunar- og háskólaráðherra, setur ráðstefnuna og fjallar um mikilvægi þess að styrkja faglega þekkingu í íslenskum bygginga- og framkvæmdageira, hlutverk stjórnunar í því að tryggja betri gæði í opinberum og einkaframkvæmdum, og hvernig fagleg framkvæmdastjórnun getur stutt við nýsköpun og vöxt samfélagsins.

Jónas Halldórsson er stofnandi og framkvæmdastjóri JTV, leiðandi ráðgjafafyrirtækis í framkvæmdastjórnun á Íslandi. Hann er byggingarverkfræðingur og húsasmiður með yfir 20 ára reynslu í verkefnastjórnun, bæði á Íslandi og erlendis. Hann starfaði sem verkefnastjóri hjá NCC í Noregi, framkvæmdastjóri hjá LNS Saga og var hluti af verkefnastjórnarteymi Hörpu tónlistar- og ráðstefnuhúss. Jónas hefur byggt JTV upp sem öflugt fyrirtæki sem leiðir inn nýja nálgun í framkvæmdastjórnun, m.a. með áherslu á BIM, stafrænar lausnir og fagmennsku sem tryggir árangur verkefna.

Stephen DeVito er Director of Technology hjá Procon Consulting í Bandaríkjunum og

hefur meira en 20 ára reynslu af því að nýta upplýsingatækni og BIM til að bæta

skilvirkni og gæði í bygginga- og fasteignageiranum. Hann hefur þróað BIM-staðla og innleitt stafræna ferla fyrir hönnun, framkvæmd og rekstur mannvirkja, m.a. fyrir US General Services Administration. Stephen er einn af lykilhöfundum National BIM Guide Series í Bandaríkjunum og hefur mikla sérþekkingu á því hvernig ný tækni getur umbreytt verkefnastjórnun og rekstri bygginga.

Ólafur var framkvæmdastjóri framkvæmda hjá Framkvæmdasýslunni – Ríkiseignum (FSRE) árin 2022-2025 og leiddi þar umfangsmikil innviða- og byggingarverkefni.

Hann starfaði áður hjá EFLU (2005–2022), sat þar í framkvæmdastjórn frá 2020 og í stjórn EFLU AS frá 2021. Ólafur er byggingarverkfræðingur með B.Sc. í umhverfis- og byggingaverkfræði og M.Sc. með áherslu á hljóðvist og hávaðastjórnun frá Háskóla Íslands, með IPMA-C vottun í verkefnastjórnun, og hefur kennt hljóðvist og hávaðastjórnun við Háskólann í Reykjavík. 

Hann hefur haldið fjölda erinda og birt greinar, m.a. á Internoise 2016, og er nú að hefja Executive MBA nám við UHI í Skotlandi.

Andrea Rutledge er forseti og forstjóri Construction Management Association of

America (CMAA), samtaka með yfir 16.000 félagsmenn sem móta faglega

framkvæmdastjórnun í Bandaríkjunum. Hún hefur yfir 30 ára reynslu í samtakastjórn,

menntun og stefnumótun og hefur starfað sem framkvæmdastjóri National Architectural. Accrediting Board (NAAB) og sem stjórnandi hjá American Institute of Architects (AIA). Andrea er með CAE-vottun (Certified Association Executive) og er ötull talsmaður þess að fagmennska og góð stjórnun séu lykillinn að árangursríkum framkvæmdum.

Jón starfaði í nærri 10 ár hjá Isavia, fyrst sem verkefnastjóri framkvæmda og síðar sem deildarstjóri verkfræðideildar. Á þessum tíma stýrði hann ýmsum verkefnum tengdum stækkun og breytingum flugstöðvarinnar, farangurskerfum og öðrum innviðum. Megin áherslan var á hönnun, en einnig tók hann þátt í framkvæmdum. Jón var einnig aðild að stofnun verkefnagáttar og lagði grunn að verkefnastjórnun hjá Isavia.

Hann hefur síðan verið framkvæmdastjóri framkvæmda hjá Reitum í tæp þrjú ár, þar sem hann stýrir sviði sem ber ábyrgð á viðhaldi og framkvæmdum á eignasafni Reita.

Vala er verkefnastjóri og hluthafi hjá JTV (frá 2018) með víðtæka reynslu af verkefnastjórnun, útboðum, verk- og gæðastjórnun á öllum stigum framkvæmda. Hún hefur stýrt fjölbreyttum verkefnum, m.a. íbúðarhúsnæði á Nónhæð, Íslandshótel við Lækjargötu, endurbótum á skrifstofuhúsnæðum, ýmsum sérframkvæmdum fyrir einkaaðila . Áður starfaði hún hjá Munck Iceland (LNS Saga) í innkaupastýringu og hjá Mannviti í verk- og kostnaðarstýringu stórra iðnaðarverkefna. Vala er byggingarverkfræðingur (B.Sc., HÍ) og hún stundaði einnig skiptinám við KTH í Stokkhólmi.