Logi Einarsson, menningar-, nýsköpunar- og háskólaráðherra, setur ráðstefnuna og fjallar um mikilvægi þess að styrkja faglega þekkingu í íslenskum bygginga- og framkvæmdageira, hlutverk stjórnunar í því að tryggja betri gæði í opinberum og einkaframkvæmdum, og hvernig fagleg framkvæmdastjórnun getur stutt við nýsköpun og vöxt samfélagsins.

Jónas Halldórsson er stofnandi og framkvæmdastjóri JTV, leiðandi ráðgjafafyrirtækis í framkvæmdastjórnun á Íslandi. Hann er byggingarverkfræðingur og húsasmiður með yfir 20 ára reynslu í verkefnastjórnun, bæði á Íslandi og erlendis. Hann starfaði sem verkefnastjóri hjá NCC í Noregi, framkvæmdastjóri hjá LNS Saga og var hluti af verkefnastjórnarteymi Hörpu tónlistar- og ráðstefnuhúss. Jónas hefur byggt JTV upp sem öflugt fyrirtæki sem leiðir inn nýja nálgun í framkvæmdastjórnun, m.a. með áherslu á BIM, stafrænar lausnir og fagmennsku sem tryggir árangur verkefna.

Amy Luscombe starfar sem Customer Success Manager fyrir EMEA-svæðið hjá DroneDeploy og vinnur náið með viðskiptavinum í byggingar-, orku- og landbúnaðargeiranum við að tryggja að þeir nái sem mestu út úr reality capture-tækni fyrirtækisins – dróna- og vélmennalausnum sem gera fyrirtækjum kleift að fylgjast með framvindu verkefna í rauntíma. Hún gegnir lykilhlutverki í að styðja viðskiptavini frá innleiðingu og áfram, svo þeir nái sínum markmiðum með tækninni. DroneDeploy er einn stærsti hugbúnaðarvettvangur heims fyrir dróna- og vélmennagögn, með viðskiptavini í yfir 180 löndum.

Auður er BIM sérfræðingur Landsvirkjunar. Hún er í grunninn byggingafræðingur en að auki með meistaragráðu í Building Information modeling and digital built environments (BIM) frá University of Manchester. Hún hefur komið víða við í mannvirkjageiranum, starfað sem mannvirkjahönnuður hjá ASK arkitektum um árabil, mótað starf BIM stjóra og sérfræðings og þróað verklag og ferla, bæði hjá Nýjum Landspítala og nú hjá Landsvirkjun.

Auður hefur lengi tekið þátt í starfi BIM Ísland og setið þar í stjórn á fjórða ár. Þar hefur hún staðið að og haldið; málstofur, fyrirlestraraðir ásamt því að undirbúa Dag stafrænnar mannvirkjagerðar (DSM) í þrígang. 

Brent Darnell is the founder and owner of Brent Darnell International, and one of the world's leading authorities on emotional intelligence in the AEC industry. A mechanical engineer from Georgia Tech, he spent years managing large construction projects before turning his focus to the human side of the industry, and has taught emotional intelligence to AEC professionals since 1999. He is the best-selling author of The People-Profit Connection and has worked with firms including Skanska, Balfour Beatty, and Kiewit. In his talk, Human Connection: Beyond AI, Brent draws on this experience to explore why human connection remains the key to project success, no matter how advanced our technology becomes.

Eggert Jónsson er framkvæmdastjóri og annar tveggja eigenda Þarfaþings hf., byggingarfyrirtækis sem stofnað var árið 1993 og hefur höfuðstöðvar í Hafnarfirði. Undir hans stjórn hefur Þarfaþing vaxið úr því að vera viðhaldsþjónusta fyrir Hagkaup og tengd félög í að vera alverktaki í stórum útboðsverkefnum og eigin íbúðabyggingum. Fyrirtækið hefur um árabil verið með um 15 fastráðna starfsmenn og hlotið viðurkenningu Creditinfo sem framúrskarandi fyrirtæki í 14 ár samfleytt. 

Á ráðstefnunni miðlar Eggert af reynslu sinni af rekstri og uppbyggingu í byggingariðnaðinum.

Baldur er verkefnastjóri hjá JTV ehf. og hefur umfangsmikla reynslu af verkefnastjórnun, framkvæmdastjórnun, hönnunarstjórnun og eftirliti með byggingarframkvæmdum á öllum stigum, bæði fyrir verktaka og verkkaupa. Hann hefur stýrt og unnið í fjölbreyttum og stórum verkefnum, m.a. nýju öryggisfangelsi að Stóra Hrauni, stækkun og endurbótum á Seðlabanka Íslands, byggingu leikskóla og hjúkrunarheimila, auk fjölda annarra verkefna víða um land.

Áður starfaði Baldur sem verkefnastjóri hjá Mannviti (nú Cowi) á árunum 2014–2022 eftir útskrift úr háskóla, en Baldur er með M.Sc. í byggingarverkfræði frá Háskóla Íslands og er IPMA D vottaður verkefnastjóri.