Gestastofa þjóðgarðsins á Þingvöllum á Hakinu sem er staðsett fyrir ofan Almannagjá var reist árið 2002 og var 212m². Nýbyggingin vestan við núverandi gestastofu og tengigangur milli þeirra er um 1.057 m². Í nýbyggingunni er nýr aðalinngangur, fjölnotasalur sem getur meðal annars verið fyrirlestrar- eða kvikmyndasalur, kennslustofa, fundarherbergi og skrifstofa, en í stærsta hluta nýbyggingar er sýningarsalur þar sem sett hefur verið upp glæsileg og fjölbreytt sýning um sögu Þingvalla og náttúru. Eldri hluti gestastofunnar var endurinnréttaður og er þar nú veitingasala og lítil verslun.
