Íslandshótel hf. reisir hótel á horni Lækjargötu og Vonarstrætis. Hornið er áberandi staður í miðborg Reykjavíkur og nær því góðri tengingu við kjarna miðborgarinnar. Hótelið mun gefa horninu nýjan blæ og hönnunin er nútímaleg og klassísk í senn. Um er að ræða 130 herbergja hótel. Hótelið verður á fimm hæðum auk kjallara. Brúttóstærð kjallara er um 1.500 fermetrar og í honum verður þjónusturými og bílastæði. Brúttóstærð byggingar ofanjarðar er um 5.000 fermetrar. Á jarðhæð verður veitingasalur, bar, eldhús, skrifstofur, hótelherbergi auk nokkurra verslana. Hótelherbergi verða á 2.–5. hæð. Hótelið mun einnig innihalda tvær glæsilegar og rúmgóðar þaksvalir, þar sem njóta má útsýnis til allra átta. Hlýlegt og sólríkt útisvæði verður á bak við hótelið.
